Home » , » Alua Pasambahan Malayangkan Carano

Alua Pasambahan Malayangkan Carano

Alua pasambahan malayangkan carano
Alua pasambahan malayangkan carano sebagai silang nan bapangka karajo nan bapokok atau biasa orang menyebutnya dengan sipangkalan atau sipangka. 

Setelah sialeh datang dan sudah masuk dan duduk di dalam rumah. maka sudah saatnya sipangka melayangkan carano. memberikan carano untuk memuliakan tamu. Carano tersebut berisi siriah jo pinang dan kelengkapannya. berikut alua pasambahannya :

Sipangka : Assalamu'alaikum Wr. wb. (memanggil datuak yang menjadi undangan) DT. Rajo Lelo..!

Sialek : menjawab "Ambo tuak"

Sipangka : Imbau nan samo jo mukasuik, Salam jo niat barasato, sungguahpun datuak surang nan tasabuik dibatin ninik mamak nan basamo dalam himbauan ambo juo.

Adopun sambah nan kadilalukan kabakeh datuak pado wakatu iko kini. dek cupak sitalago panuah, dek gantang simarajo lelo. Kalau basiang di nan tumbuh jikok manimbang di nan ado tumbuah sarupo iko kini. dek nan tumbuah iko kini tibo alua nan baturuik, tibo adat nan bapakai, tigo pusako nan tajadi.

Nan partamo sambah-manyambah, nan kaduo baso jo basi, nan katigo carano nan talayang. Sambah manyambah dalam adat, tali batali undang-undang, tasabuik muluik manih, bapakai baso baiak. Muluik manih talempong kato, baso baiak gulo di bibia nan di dalam adat kito banamo adat sopan santun.

limbak nan dari pado itu tantangan duduak jo kedudukan datuak. kok indak tapek di walaknyo. patuk ka ujuang kok kapangka, patuk katangah kok katapi, barih di ateh kok kabawah, ampun jo maaf kami mintak, izin jo rela dari datuak.

limbak nan dari pado itu tantangan carano nan talayang sarato isi jo kelengkapannyo. siriah sacabiak mintak di kunya pinang sadidi mintak di gatok pulang maklum pado datuak.


tag : alua pasambahan, pasambahan, pasambahan carano, carano nan talayang, alua pasambahan siriah, siriah jo pinang

sebelumnya
« Prev Post
Selanjutnya
Next Post »

0 komentar:

Posting Komentar

Terimakasih telah berkomentar di www.harryaalfha.com